KRALENDIJK – Relashoná ku malkontentu di un grupo di mayor, Patricia Angela direktora di Skol Amplio Papa Cornes (SAPC), a reakshoná riba e artíkulo ku Radio Live 99.9 FM a publiká mainta. Angela: ”Un yùfrou di e grupo a entrega karta di retiru novèmber último. Nos di Skol Amplio Papa Cornes no a kit’é for di e funshon komo dosente na skol. Nos di skol tabata deseá pa e yùfrou a kontinuá ku e klas ku e ta duna lès te na final di aña eskolar. E yùfrou a tuma e desishon loke ta algu personal. Mayornan ku tin yu ku e yùfrou ta duna lès ta prekupá, i tabata interesá pa tende si tin un remplasante pa e grupo. Nos ta komprondé nan prekupashon. Skol Amplio Papa Cornes tin un remplasante pa e yùfrou ku ta bai for di skol, i momentu ku tur kos ta konkreto skol ta pone mayornan na altura i duna tur informashon nesesario,” Angela direktora di e skol a menshoná den e reakshon.  

Share This
error: Content is protected !!