KRALENDIJK – Djasabra tras di lomba JICN a organisá e di 4 eksposishon di obra di man, loke detenidonan a traha. Un kantidat i diferente artíkulo tabatin na e sitio dilanti di e prizòn ku poko tempu pasá a keda konstruí na plantashi Aruba. Entre otro kashi, sèt di stul i mesa, ko’i hunga, kuadro i mas. Momentu ku un reportero di Radio Live 99.9 FM a presentá na e sitio, gran parti di loke tabatin ya tabata bendé i nan a bai ku nan for di e sitio. Organisadónan a konta ku e benta a bai hopi bon i rápido. Tabatin hende presente promé ku e ora stipulá pa kuminsá kumpra kos. 10’or momentu ku a kuminsá ku e benta, kosnan a bai rápido. Hopi interes pa kumpra loke e detenidonan a traha. Lo usa e rekoudashon di benta di e artíkulonan prinsipalmente pa kumpra material nobo, pa detenidonan por sigui desaroyá di manera positivo. Kombinashon di potrèt ta ilustrá parti di e aktividat i algun di e tremendo pinturanan ku hopi a komentá kon bunita nan ta. Un kreatividat tremendo.

Share This
error: Content is protected !!