Riba 15 di ougùstùs, Korte di promé instansia di Boneiru a kondená kuater homber pa importashon di 12,7 kilo di mariwana i pa posishon di 200 patronchi di bala. E droga i tambe munishon tabata prosedente di Venezuela i a wòrdu tresé ku boto. Dos di e hombernan ta prosedente di Boneiru méskos ku e boto ku a wòrdu usá. E dos otro hombernan ta prosedente di Venezuela. Wardakosta a buska kontakto ku Mareshosé na Boneiru. Den koperashon ku Duana a bin topa ku tres di e hombernan den e area di pal’i mangel. Despues a detené e kapitán di e boto tambe. E boto a keda konfiská.

E kuater hombernan a keda kondená na un kastigu di prizòn di 2 aña, di kual 6 luna ta kondishonal ku un periodo di prueba di 3 aña. Den apelashon riba demanda di Ministerio Públiko, dia 28 di novèmber, tambe Korte a deklará e boto konfiská. Tantu e boto komo e kapitán ta elementunan indispensabel i parti importante pa importashon di artíkulo prohibí i strañeru ilegal. For di e punto di bista aki, konfiskashon di e boto, un kastigu ekstra pa e kapitán, ta na su lugá.

Awe e boto a wòrdu destruí.

Laga esaki ta un atvertensia pa tur doño di boto.

Share This
error: Content is protected !!