KRALENDIJK – Djaweps 5 di desèmber ultimo a tuma lugá un aktividat organisá pa NGO Plataform Bonaire kaminda a nominá un kantidat di persona. Esaki relashoná ku dia di boluntario. E aktividat a tuma lugá dilanti di nan ofisina nobo transformá den un sitio spesial pa e aktividat. Aimed Ayubi tabata maestro di seremonia e anochi, kende a presentá 13 nominado riba esenario. Durante e anochi Dance Sensation Dansschool a presentá un bunita baile i un grupo di 5 persona di kor Kanto Pa Boneiru a kanta e kantika ‘Nos ta Boneiru’. Aki ta sigui nòmber i organisashon di esnan ku a keda nominá e anochi. Gilbert Teffer di Dance Sensation Dansschool, Milagros Beaumont di Fundashon Cocari, Rachel Domacasse di Fundashon Echo, Albis Rivera di Fundashon Kuchara, Mini Kroon di Kas Flamboyan, Charlotte Rodriquez di Kiwanis Club Bonaire, Justian Cicilia i Xavier Janga di Mi Mes Hofitu, Indira Martinus di Rode Kruis, Dabney Lassiter di Stichting ADRA, Emelien de Jongh di Stichting Mi Teater i Pat huntu ku Bruce Davis di Stinapa.

Kombinashon di potrèt ta ilustrá parti di e aktividat.

Share This
error: Content is protected !!