KRALENDIJK – Djasabra 7 di desèmber Kor Kariño a organisá un tremendo Konsierto di Pasku ku kantante for di Aruba, Kòrsou, Hulanda i Boneiru. A inisiá e aktividat ku un orashon na enkargo di pader Vikario Santiago Malagon pa despues e show a kontinuá. Remarkabel ta e promé grupo di muchanan ku a kanta sin usa papel pa wak letra. Tur loke nan a kanta tabata for di nan memoria. Despues a presentá Reinier Lijfrock huntu ku Angelique Nicolaas-Schmidt i algun mucha. Seguidamente a presentá grupo “Popcoor”, un grupo di adulto di Hulanda, i kor di alumnonan di Skol Amplio Papa Cornes, despues kor di dosente nan di e skol. A sigui un pouze kòrtiku i seguidamente Caylee Pietersz direktamente for di Aruba ku Reinier Lijfrock di hermana Kòrsou. A finalisá e show e anochi ku kor Lus Briante. Shermantha Frans tabata maestro di seremonia. A entrega e persona ku a gana e makutu ku regalo aden. Tremendo trabou di Shomara Frans i kor Kariño. E aplouso despues di kada presentashon a ekspresá tur kos.

????????????????????????????????????
Share This
error: Content is protected !!