KRALENDIJK – Djabièrnè último Cicilia Motors a organisá nan último show di outo pa aña 2019. Un tremendo ambiente kaminda 2 grupo di gaitas a toka e anochi. Los Cañonasos i Jom Gaiteros a animá tur presente. Pa korona obra, e hòmber Santu, Sanikolas a presentá huntu ku su pitnan i nan a balia i gosa un mundu. Tabata un di nan último aktividatnan riba e isla di Boneiru promé nan a subi boto rumbo pa Spaña. Max Cicilia doño di e kompania a dirigí palabra i a gradisí tur presente tambe tur kliente, esnan ku a kere den e produkto di Cicilia Motors. 10 aña a pasa i awor nos ta habri 2020 pa kontinuashon, Max a menshoná. E anochi a entrega 4 kliente nan outo, kendenan a kumpra un outo nobo. Un tremendo show di vürwèrk poko promé ku e aktividat a terminá. Kombinashon di potrèt ta duna un bista di e aktividat.     

Share This
error: Content is protected !!