2020 TA BAI KONSTRUÍ WAF NOBO PA CHACHACHA BEACH

Written by on

KRALENDIJK – Den un kombersashon ku Radio Live 99.9 FM tabatin ku Gunther Flanegin  Havenmester di Boneiru, el a menshoná entre otro ku 2020 na luna di mart si tur kos kana segun plan, ta kuminsá ku trabou pa renobá e sitio di Chachacha Beach. Ta bai konstruí un waf nobo na e sitio. Tur kos ya ta den proseso i den 2020 ta bin un waf kompletamente nobo. Ta kita loke tin awor i pone algu nobo i moderno ku diferente fasilidat. E waf ta bai bou di enkargo di haven kantor i nan mes ta kontinuá ku e parti di mantenshon na e waf. Aktualmente e no ta di haven kantor, pues no por hasi nada na e waf, entre otro mantenshon. Den futuro ta drecha esaki i ku regularidat por hasi mantenshon. Ta bai konstruí algu ku ta mas fásil pa e hende por drenta laman sea ta hende di edat òf muchanan ku ta práktika landamentu na e sitio. Meskos esnan ku ta bai sambuya, por hasi uso di e sitio ku mas stabilidat. Entre otro ta pone trapi ku bara pa hende por tene,  pa drenta laman. Pues un waf ku hopi diferente fasilidat, sigur kompará ku loke tin awor, havenmester a konta Radio Live 99.9 FM. 

Share This

Current track

Title

Artist

error: Content is protected !!