KRALENDIJK– Tin un buraku peligroso habri riba kaya Gobernador N Debrot pa basta luna kaba. Ta trata aki di un buraku ku a wordu habri pa trabou nan eherse dor di un kompania lokal pero ketu bai ainda ta habri i e ta kousando peliger den trafiko.

Manera nos tur sa e kaya aki kompletu nota den bon estado ku ta pone ku mester kita pa varios buraku nan aki aya i ainda riba dje tin un buraku basta hundu ku outomobilista nan mester tene kuenta kune kada biaha di nobo. Ta trata aki di un buraku di kasi 1 meter di profundidad.

Nos ta spera ku trabou nan lo wordu hasi pa asina por sera e buraku aki bek of si por sera e buraku aki temporalmente te ora ku kompania tin chens di traha riba dje i kaba e trabou aki kompletu mirando ku esaki tin lunas nan habri sin nada di trabou ta tumando luga na e buraku aki.

Share This
error: Content is protected !!