KRALENDIJK – Situashon di karga i deskargá karga i kònteiner na waf ta funshoná den bon komprondementu. Gunther Flanegin, havenmester di Boneiru den un kombersashon ku Radio Live 99.9 FM, el a splika ku e situashon ta bai den bon palabrashon ku e diferente gruponan ku ta atendé ku usamentu di waf sea pa karga òf deskargá barku ya pa un temporada.

” E situashon pa deskargá i karga barku ta bai den bon harmonia. Ta bai konstruí un parti nobo na e waf di sùit, pa hasié mas largu, loke ta hasi posibel pa entre otro barku krusero mara poko mas den direkshon di Divi Flamingo Hotel, loke ta krea mas espasio pa barku por mara na waf mei mei, yama waf di duana, pa kontinuá ku asuntu di karga. Tin bon nota kuantu tempu ta tuma pa deskargá i karga barkunan, i momentu ku ta nesesario pa guia turista relashoná ku trabou di karga i deskargá barku, ta hasi esaki i tur kos ta bai bon,”Havenmester Flanegin a konta. El a menshoná e parti di deskargá barku di santu ta den bon palabrashon, entre otro momentu pa hasi e trabou ku ta mihó pa ámbos partido. Na diferente okashon esaki ta sosodé anochi i mardugá, momentu ku tin ménos moveshon den e área di waf, havenmester a menshoná.   

Share This
error: Content is protected !!