KRALENDIJK—Den un kombersashon ku Radio Live 99.9 FM tabatin ku havenmester Gunther Flanegin, el a menshoná ku tin oumento pa loke ta trata moveshon na waf  den 2019. “E aña aki a bai hopi bon. E merkado a krese loke ta notabel ku mas i mas karga ta drenta Boneiru kompará ku algun tempu pasa. Mas barku krusero, mas barku di semènt i otro tipo di karga spesialmente for di Hulanda pa Boneiru. BOPEC ta sera esaki sigur tin su konsekuensia pa kaida serka nos. Un gran parti di trabou nos a pèrdè debí ku no tin aktividat di barku krusero na BOPEC. E otro desaroyonan ku a oumentá ta perkurá pa e isla di Boneiru ta kontinuá den bon direkshon ekonómikamente. 2019 sigur tabata un aña ku hopi aktividat na wafnan. Ta bai tin desaroyo kaminda ta bai konstruí, esta hasi e waf di sùit mas largu i renobá Chachacha Beach. Tur esakinan pa mehorá e moveshon i situashon den e área, di manera ku kos por funshoná mihó pa tur usuario, havenmester Flanegin a menshoná.

Share This
error: Content is protected !!