KARTA HABRÍ RELASHONÁ KU PETISHON PA UN SPLIKASHON PA E PRÈIS HALTU DI GASOLIN AKI NA BONEIRU

Bonaire 11 di desèmber 2019

Karta habrí relashoná ku petishon pa un splikashon pa e prèis ekstremadamente haltu di gasoline aki na Boneiru

Apresiabel Kolegio,

Ya pa mas ku tres luna prèis di gasolin na Aruba y Korsou ta bahando. Na Boneiru sinembargo e prèis a subi ekstremadamente. Den e promé ocho lunanan di e aña aki e prèis di gasolin riba e tres islanan ta tin e mesun trènt. For di yuli 2019 esaki ta otro. Na Boneiru e prèis di gasolin ta subi, mientras na Aruba y Korsou esaki ta baha. Den luna di desember 2019 e diferensha ku Korsou a subi te kasi 31%.

Unkobon a pidi Curoil resientemente pa duna un informashon di e método ku ta uza pa yega na e prèis pa e.o. gasolin y diesel riba e tres islanan y tambe pa duna un deklarashon pa e diferensha grandi den prèis di gasolin kompará ku Aruba y Korsou.

Curoil den su reakshon no a kontestá e preguntanan hasí y a informá Unkobon ku Kolegio Ehekutivo di Boneiru ta e úniko instansha ku ta outorisá pa stipulá prèis di kombustibel aki na Boneiru.

Curoil a duna di konosé ku nan konseho na Kolegio Ehekutivo ta basá riba e prèisnan di kompra mas resien. E base pa yega na un konseho ta igual ku ta uza na Korsou. E konseho ta wòrdu sertifiká pa un instansha independiente.

Basá riba e reakshon di Curoil ta inkomprendibel dikon e konsumidó na Boneiru for di yüli 2019 mester paga asina mas tantu pa gasolin ku e konsumidónan na Korsou.

Na nòmber di tur konsumidó aki na Boneiru Unkobon ta pidi Kolegio Ehekutivo pa informá e método ku ta uza pa yega na prèis di gasolin, diesel y otro kombustibel aki na Boneiru y tambe pa duna un deklarashon di e diferensha grandi den prèis entre Boneiru y Korsou.

Finalmente Unkobon, hasiendo uso di e lei di Openbaarheid Bestuur BES, ta deseá di risibí di Kolegio Ehekutivo, e konsehonan di prèis di e lunanan mei te ku december 2019 ku Curoil a manda pa Kolegio Ehekutivo.

Saludos kordial – Met vriendelijke groet – Kind regards


Open brief betreffende verzoek om uitleg extreem hoge prijs benzine Bonaire

Geacht college,

Al meerdere maanden dalen de prijzen van benzine op Aruba en Curaçao, maar op Bonaire zijn de prijzen sterk omhoog gegaan. In de eerste acht maanden van het jaar vertoonden de benzineprijzen op de drie eilanden ongeveer eenzelfde trend. Vanaf juli is dat anders. Op Bonaire stijgt de prijs van benzine, terwijl die op Aruba en Curaçao daalt. In december is het prijsverschil met Curaçao opgelopen tot bijna 31%.

Unkobon heeft aan Curoil gevraagd om inzicht te geven in de methodes van vaststelling van de brandstofprijzen op de drie eilanden en een verklaring voor de sterk oplopende verschillen tussen Bonaire en de andere eilanden. 

In haar reactie heeft Curoil geen antwoord op deze vragen gegeven. Wel heeft het bedrijf aangegeven dat het Bestuurscollege de enige instantie is, die bevoegd is om brandstofprijzen op Bonaire vast te stellen. Curoil heeft aangegeven dat zij haar prijsadvies aan het BC opstelt op basis van de meest recente inkoopprijzen.  De grondslag van het prijsadvies is dezelfde als op Curaçao en het advies wordt door een onafhankelijk bureau gecertificeerd. 

Op basis van deze reactie is het onbegrijpelijk waarom de consumenten op Bonaire vanaf juli zoveel meer moeten betalen dan consumenten op Curaçao. 

Namens de consumenten van Bonaire vraagt Unkobon het Bestuurscollege om inzicht te geven in de grondslagen / de opbouw van de brandstofprijzen op Bonaire en een verklaring te geven voor de sterk oplopende verschillen in benzineprijzen tussen Bonaire en Curaçao. 

Tot slot ontvangt Unkobon, met een beroep op de Wet Openbaarheid Bestuur BES, graag de prijsadviezen met betrekking tot de maanden mei tot en met december 2019 die Curoil aan het Bestuurscollege heeft gezonden. 

Saludos kordial – Met vriendelijke groet – Kind regards




Share This
error: Content is protected !!