KRALENDIJK – De National ombudsman i Kinderombudsman a kuminsá un investigashon  relashoná ku e problema  di hóbennan Madurá ku ta den pobresa ku ta biba na Boneiru, St. Eustatius i Saba. Esaki ta loke nan a informá pa medio di un karta na ministers van Binnenlandse Zaken i Koninkrijksrelaties i di  Onderwijs Cultuur en Wetenschap, de staatssecretarissen van Sociale Zaken en Werkgelegenheid en van Volksgezondheid, Welzijn en Sport en de Openbare Lichamen di Karibe Hulandes.


Problema serioPobresa ta un problema serio riba e islanan di Karibe Hulandes. Sierto grupo di hóben spesialmente esnan madurá ta esnan mas ku ta biba ku e situashon di pobresa. Pa e motibu aki Ombudsman i Kinderombudsman a tuma e desishon pa hasi un investigashon den e grupo spesífiko di hóbennan.Posibel solushon guia i yudansa. Ombudsman i Kinderombudsman ta bai buska informashon serka esnan ku ta mas den pobresa, kiko ta posibel solushon i puntra loke nan ta fèrwagt di gobièrnu pa yuda nan i otro instansianan. E rapòrt lo ta kla den 2020 na luna di mei – yüni, i ku esaki Ombudsman i Kinderombudsman ta haña un bista kiko e hóbennan ta spera di gobièrnu i otro organisashonnan ku ta relatá na e situashon. Banda di esaki lo tin bista konkreto kiko mester hasi pa yuda esnan den pobresa pa nan sali for di e situashon i kon pa hasi pa otronan no kai den pobresa.  AchtergrondE investigashon di pobresa serka hóbennan ta di dos serie di e di tres investigashon ku Nationale Ombudsman ta hasi  na e problema di pobresa den Karibe Hulandes. Luna di sèptèmber 2019  Nationale Ombudsman a publiká tokante un investigashon ku nan a hasié tokante pobresa di hendenan di edat avansá di Bonaire, St. Eustatius i Saba. Luna di mei yüni 2020, Nationale Ombudsman i Kinderombudsman ta inisiá un investigashon riba e problema i pobresa di personanan sin partner ku yu.   Pa mas informashon por tuma kontakto ku Nationale Ombudsman  pa medio di  i.apperloo@nationaleombudsman.nl
Share This
error: Content is protected !!