KRALNDIJK – Djasabra anochi a tuma lugá un aktividat relashoná ku temporada di fin di aña organisá pa Radio Live 99.9 FM. “A Night to Celebrate” tabata nòmber di e fiesta ku tabata na Courtyard By Marriott Bonaire Dive Resort. Promé kantante e anochi tabata Capella Chirino. 

El a kanta diferente kantika i sigur un simpel ranchera a pone e hendenan reakshoná, ekspresá nan pashon pa ranchera e anochi. Promé bia Capella a presentá riba esenario komo solista. Sigur kada kantika a impreshoná tur presente e anochi. Un tremendo kantante Boneriano, kende a menshoná e anochi ku el a regresá Boneiru, su isla stima pa e sigui kanta pa e pueblo.

Despues di presentashon di Capella, Gilberto “Beto” Martis,

otro kantante Boneriano ku no mester di introdukshon. Despues di kada kantika e tremendo aplouso a bisa tur kos. E dos kantantenan di bario Antriol “Capella” i “Beto” a kanta huntu e kantika Aleluya. Tremendo kombinashon di stèm, i tur hende a gosa un mundu di nan presentashon den sala na e hotèl. A sera e promé parti di e show ku e kantante Melania van Der Veen di Kòrsou, ku tabata special pa e okashon na Boneiru. El a presentá manera kustumber i públiko a biba ku kantikanan.

Share This
error: Content is protected !!