KRALENDIJK – Djadumingu tras di lomba tabatin Santu Sakrifisio di misa, i pader Alphonsus Baak a duna pabien na organisadónan di aktividat di dia di Nort di Saliña. E di tres djadumingu di Atvènt i entre otro pader Baak a menshoná ku no ta tur hende mester bai studia den eksterior. “Por keda Boneiru i siña e fishi di karpinté i mas”. El a elaborá riba e tópiko di lei nobo di tráfiko, manera bistimentu di hèlm, loke ta bon pa protehá nos i bisti faha di seguridat momentu ku ta manehá un vehíkulo. “Bo mama ta bo mama sinembargo na final, solamente Hesus ta serka bo,”pader a terminá e predikashon di e mainta. Durante misa Stefano Herrera Campos a risibí promé Santa Komunion i sakramentu di konfirmashon. A bendishoná 2 mucha ku awa bendita kendenan a kumpli un aña mas di bida, i despues promé ku misa a terminá, i Pader Baak a menshoná pa duna e hulandes funchi i e ta kuminsá papia papiamentu rápido. Esaki tabata relashoná ku algu ku pader a wak den korant Extra skirbi pa Boi Antoin, tokante un grupo di persona ku a pasa un kurso pa siña papia papiamentu, entre otro pader Baak. 

Share This
error: Content is protected !!