KRALENDOIJK – Djadumingu 15 di desèmber bario Nort di Saliña, konosí pa ‘Kunuku Bieu’ a organisá i selebrá 10 aña dia di Nort di Saliña. Den presensia di tur 3 diputado i esnan presentá a toka himno i hisa bandera di Boneiru i e bario.

Promé persona ku a dirigí palabra tabata diputado Nina Den Heyer. Entre otro el a menshoná ku e organisashon ku ta organisá e aktividat ta hasiendo un bon trabou loke mester ta ehèmpel pa otro barionan. Seguidamente a papia diputado James Kroon i e na su turno a menshoná

aparte di ta kontentu ku e selebrashon, por mira kon huntu por logra hopi. Despues a papia diputado Elvis Tjin Asjoe. El a menshoná entre otro tokante e hóbennan ku awor ta den Fundashon Nawati ku ta organisá dia di Nort Saliña pa sostené Hubert Vis, e persona na kabes di e organisashon.

Seguidamente a dirigí palabra Hubert  Vis presidente di Fundashon Nawati. El a papia amplio di esnan ku a yuda pa por a organisá e aktividat dia di bario Nort Saliña, entre otro gobièrnu di Boneiru.  Tambe el a menshoná ku un banko amigu a duna nan aporte pa selebrá e 10 aña di e bario. Despues a papia Pierr Perigault Monte, kende entre otro a menshoná tokante drechamentu di sentronan di bario.

Despues a sigui ku honramentu di baluartenan di bario: Pedro Dominico Cicilia (Donco), Naciso J.M. Nicolaas (Siso) i Ezzard Semeleer (Èzy).
Famia di Siso tabata riba esenario kendenan tabata emoshoná ku nan ta nan so riba esenario i ‘Siso ta den brasa di señor. E parti final tabata momentu pa kòrta i kome bolo pa kuminsá e selebrashon di bario i a presentá e organisadónan na esenario.

????????????????????????????????????
Share This
error: Content is protected !!