KRALENDIJK – Djamars último den oranan di atardi na City Shop, a hasi entrega di e outo Changan Alsvin i TV 75 inch na e ganadónan di e loteria komo “fundraising” di e klup di futbòl S.V. Uruguay/Titans.

Esaki a tuma lugá den e parke di outonan di Dabboussi Motors, unda a hasi entrega di e outo na sr. Eugene Albertus ku a gana e outo, i despues a pasa parti paden di e edifisio di City Shop, unda a hasi entrega di e televishon 75 inch na un hóben ku a risibí esaki pa su Tio Albert Soleana ku a gana esaki.

E dos ganadónan di e loteria di e klup di futbòl, dje forma aki a haña tambe nan regalo di Pasku di Nasementu i fin di aña pa habri aña 2020 ku e outo nobo i tambe e televishon 75 inch.

Pabien na e ganadónan ku a koperá tambe ku e klup di futbòl S.V. Uruguay/Titans.

Riba potrètnan momentu ku a hasi entrega ofisial di e outo na e ganador sr. Eugene Albertus i tambe e TV 75 inch na subrino di e ganadó ku ta sr. Albert Soleana.

Share This
error: Content is protected !!