INDEBON A ENTREGA REKONOSEMENTU NA HÓBENNAN DEPORTISTA

KRALENDIJK – Ayera a tuma lugá un aktividat, kaminda  gobièrnu di Boneiru pa medio di Indebon, a pone streanan deportivo i entrenadó nan di 2019 den spòtlait. Hefe di Indebon Peter Silberie a dirigí palabra na tur presente i el a menshoná tokante e reglanan ku tin pa yega na selektá i duna e rekonosementu di streanan deportivo. Spesialmente nan ta wak e hóben òf mucha ku ta destaká den deporte. Mester ta hasi bèst na skol tin bon kondukta i ta un modelo pa otronan. El a menshoná ku nan ke mira mas hende ta práktika deporte. E kantidat ta bahando. Diferente kos ta stroba e mucha pa skohe un deporte. Boneiru tin hopi talento, sinembargo mester di hende pa motivá nan pa nan yega kaminda nan ta demostrá loke nan por hasi bon,”Peter kende ta hefe di Indebon a menshoná. Despues a papia diputado James Kroon. El a menshoná ku den 2020 ta bin ku un kongreso ku hendenan di Boneiru pa asina tin un bista mas amplio kon pa engrandese deporte riba Boneiru. Ta bai trese hendenan ku gusta deporte i tende kon nos ke mira deporte pa e próksimo añanan. “Gobièrnu komo Indebon, si tur organisashon hasi nan kos nan na tempu, nos por yuda hopi. Hasiendo deporte ta kita hopi mucha for kaya. Tin diferente plan pa kontribuí na deportista nan di Boneiru. Sander Bogard ta bon ehèmpel i Davidlee ta un otro bon ehèmpel pa Boneiru. Huntu nos por hasi hopi. Nos sa ku un deportista tin ku hasi hopi sakrifisio pa logra éksito,”diputado Kroon a menshoná. Despues a kontinuá ku e parti di entrega di rekonosementu kaminda reina di deporte Desire Soliana i diputado James kroon a entrega kada persona nan rekonosementu. Na final a sigui un komementu pa tur presente.

Share This
error: Content is protected !!