KRALENDIJK –Djamars 24 di desèmber tabatin Santu Sakrifisio di misa na tur 3 iglesia katóliko di Boneiru. Parokia La Bírgen di Coromoto tabatin un selebrashon 8 di anochi, misa na idioma ingles i hulandes. 11’or e mes anochi a kontinuá ku e misa di mei anochi bispu di Pasku. Pader Alphonsus Baak a splika entre otro durante misa, ku e aña aki el a opta pa hasi algu diferente, esta traha algu ku no ta e pesebre kaminda ta rekordá kon niño Hesus a nase.  

El a elaborá riba entre otro seru nan di salu na Boneiru bisando kon importante nan ta, i ta un di e motibunan ku Hulandesnan a gara Boneiru. “Salu ta hopi importante pa diferente kos. Ántes tabata hasi pago na un persona pa medio di salu, kaminda e nòmber salario a nase. Kuminda i e kurpa humano ta pidié. Mare nos por tin seru di fielnan, manera nos tin seru di salu na e parti sùit di Boneiru,”Baak a menshoná durante predikashi. “Bunita pa mira hende di Fundashon Mariadal ta bishita un hende na kas. Pa e persona esaki ta nifiká un lus a sende, pasobra e ta bai haña atenshon. Nan ta bai pone den spòtlait.” Pader a terminá bisando bon Pasku na diferente idioma.

Share This
error: Content is protected !!