Lan di Torito

Ken no konosé Lan Statie, ta muchi Antriol. Rudolfo “Lan” Statie bon konosí pa Lan di Torito awor ta gosando di bida trankil huntu ku famia. Nos a tene un entrevista kòrtiku ku Lan kende a konta poko di pasado te awor, loke el a eksperensia den bida.

 Lan:”Mi a nase na Boneiru 21 di aprel1939.  Un di e 11 yunan di Antonio Toni Statie i Cornelia Statie Geerman nase na Aruba. 11 yu a nase for di e famia i un ‘drie ling’, tur tres hòmber. Mi a bishita Sint Dominicus  School pariba di parokia San Bernardo na Playa. Despues di a kaba skol mi a bai traha na ‘Handelmij’,  kaminda awe ta Top Supermarket. Aya mi tabata atendé ku e parti di ‘magazijn’ i despues e lugá a bira supermarket mas grandi. Tabata Van Ijk huntui L.D. Gerharts. Despues Van Ijk a fayesé i Gerharts a bira doño. Promé supermarket e tempu aña na Boneiru. Ta trata di aña 1955. Despues Hugo yu di L.D. Gerharts a djòin ku Henderson di Kòrsou. 1984 e supermarket a sera i a kambia di doño i nòmber  bira Cultimara,”Lan a konta.

1985 Lan a bai Casino

1885 Lan a stòp di traha den supermarket i a kuminsá traha na Casino Hotel Bonaire i despues esun di Plaza Hotel Casino. E tabata ehersé e funshon komo kontroladó. “16 aña mi a laborá einan i despues kita i a kontinuá na Torito Snack.”

Torito Snack

Lan di Torito e nòmber ku a pega. Si un persona ke papia di Lan Statie e ta menshoná Lan di Torito. Sinembargo promé ya e tabata traha na banda huntu ku trabou den Casino na Torito Snèk. Torito Snèk ta di Lan i el a dun’é e nòmber  debí ku su signo ta Touro. For di einan e nòmber di Torito a nase. Torito a kue plasa manera nan ta bisa poko despues ku ‘Chamel’ tabata djis pega parti sùit di Torito. Ántes tur hende tabata komentá di ‘Chamel’ den bario Antriol i despues tabata Torito.  For di 1985 luna di febrüari e tabata atendé ku Casino i Torito Snak. “Aña 1978 e lugá a habri ofisial i tabata bende kuminda i Ina tabata kushina kuminda krioyo tur dia. E chines Hong tabata bende kuminda na banda  den Torito i Despues el a traha su mes edifisio ku yama Peking Bar i despues a bin  Wing Chung Supermarket,”lan a konta. 2001 Lan a stòp ku Casino i kontinuá solamente ku Torito Snèk te na 2005. “Torito tabata spònser prinsipal di tim di dominó ‘Atriol Stars’. Promé ku mi a stòp na 2005, tabatin un kaso di atrako arma riba e negoshi. Mi a forma parti di e direktiva di AFBW den pasado. Huntu ku Ewald Abdul defuntu Janchi Janga i defuntu Diego Crestiaan e tempu aya,“ Lan a menshoná.  Awor Lan di Torito  ta disfrutá di bida  gosando di penshun. Huntu ku e esposa Julieta kendenan tin 56 aña di bida matrimonial, huntu nan ta gosa di bida ku yunan.

Share This
error: Content is protected !!