KRALENDIJK – Mardugá di awe djamars ku tur probabilidat algun persona a kibra i drenta den un kònteiner situá na e lugá di stashoná outo di kaminda ántes tabata Kolegio Papa Cornes. Doñonan di e negoshi a konta ku nan tabata na e sitio pa mas o ménos 1or di mardugá. Despues nan a bandoná e sitio i momentu nan a regresá mainta trempan alrededor di 6’or, a tuma nota ku anti sosialnan a kibra drenta i hòrta den e kònteiner. Nan a bai ku mayoria di “Cake”, un tipo di vürwèrk ku ta usa spesialmente pa show. A bai ku diferente otro tipo di vürwèrk for di e sitio. Polis a presentá e mainta na e sitio i e kaso ta bou di investigashon

Share This
error: Content is protected !!