KRALENDIJK – Tira pagara ta bunita pa presensiá, sinembargo tin un grupo kendenan tin perkurá pa loke ta keda despues di tira pagara. Empleadonan di SELIBON sigur ta duna un tremendo trabou pa hasi limpi na mayoria di sitio kaminda tira pagara. Nan ta hasi e trabou ku hopi dedikashon miéntras otronan ta gosando. Despues ku Tung Fung Store N.V., konosí pa “Chines” a tira nan pagara, un reportero di Radio Live 99.9 FM a topa esnan ku ta atendé e parti atministrativo i kordiná trabou di SELIBON presente. Nan tabat’ei pa sostené trahadónan trahando na e sitio. Riba potrèt e grupo di kordinadó i momentu trahadónan hòmber i muhé balente, tabata trahando na Kooyman Megastore Bonaire i “Chines”. 

Share This
error: Content is protected !!