KRALENDIJK – 1 di yanüari, promé mainta di aña nobo, poko despues ku gai a kanta kòkòdèk, a tuma lugá loke ta un tradishon e fiesta di maskarada na kas di gezaghèber. Djarason mainta gezaghèber Edison Reina su kas tabata porta habri pa spera esnan ku ta atendé ku e aktividat di maskarada. Hopi hende a presentá i a topa otro i sosialisá un momentu. Un tremendo show di Maskarada tabatin loke e grupo a perkurá pe. Durante e mainta gezaghèber Rijna a dirigí palabra na tur presente.”Pa motibu ku boso mester ta di bishita na mi kas promé mainta di aña nobo, mi mester drumi despues di kambio di aña mardugá un bes, pa lanta mainta spera boso yegada. Mi ta kontentu ku e grupo di Maskarada ku ta importante i parti fuerte di nos kultura. Ta importante pa mantené esaki i ken ku bin biba na Boneiru tuma parti na nos selebrashonnan kultural entre otro Maskarada. 2020 mi ta konvensí ku e ta bai bira mihó ku 2019. Boneiru ta den bon desaroyo,”entre otro gezaghèber Rijna a menshoná. Despues di a papia el a entrega e regalo ku ta parti di e ambiente di maskarada, esta pone algu den e mochila, komo apresio di gratitut pa nan presensia.  

Share This
error: Content is protected !!