RUMANNAN MOLINA EMOSHONÁ MOMENTU GRUPO DI MASKARADA A ASERKA NAN TATA STIMA

KRALENDIJK – Djarason 1 di yanüari 2020 mainta, grupo di Maskarada a presentá na Fundashon Mariadal. Nan a duna tremendo presentashon loke esnan di edat avansá a gosa un mundu manera ta bisa. Nan a balia i presentá den sala na Fundashon Mariadal sekshon kas di kuido huntu ku tur presente. Promé ku e grupo a bandoná e sitio, a pèrkurá manera ta e tradishon ku e regalo den e mochila. Despues e grupo a pasa i topa pa algun persona spesífiko entre nan Wichi Molina. Ta tata di Riley kende tambe tabata forma parti di e grupo di tokadónan di maskarada. Un momentu di emoshon loke por a tuma nota serka Riley i un otro ruman Joulaika huntu ku nan tata. Potrèt ta duna un bista di e momentu ku grupo di maskarada tabata di bishita na kas di kuido.   

Share This
error: Content is protected !!