KRALENDIJK – Chinesnan a selebrá promé dia di 2020 na nan sede na kaminda di Lac. Un kantidat di chines a yega huntu pa selebrá riba e promé dia di aña. A inisiá e aktividat ku un pagara, loke ta típiko kultura di chinesnan. Despues a kontinuá ke e selebrashon den e edifisio. Diferente mucha i hóben adulto a presentá ku diferente show. Nan a balia riba músika típiko di China, show di baile ku bandera i demostrashon di karate. Yùfrou Li kende ta na Boneiru for di China pa un temporada, a siña e grupo di mucha pa nan presentá e anochi, loke a resultá un tremendo show. E idea i meta ta pa siña e muchanan kosnan típiko di China, entre otro idioma i riba tereno kultural. Seguidamente a sigui ku komementu i disfrutá huntu ku otro e anochi. Durante e aktividat tabatin oportunidat pa tur persona vota pa un presidente nobo pa e asosashon di Chines na Boneiru.

Kombinashon di potrèt ta ilustrá parti di e aktividat.

Share This
error: Content is protected !!