KRALENDIJK – Cherel Kwidama presidente nobo di sindikato AFBW tabatin un entrevista na Radio Live 99.9 FM. El a menshoná ku despues di fayesementu di eks presidente Nilco Rollan, AFBW a kuminsá ku e proseso pa reorganisá e sindikato. 
“AFBW despues ku Rollan a fayesé a reorganisá e organisashon pa kontinuá. Miembronan di e direktiva bieu a apuntá un presidente nobo i un miembro mas di direktiva pa yena puestonan ku tabata habri. E plan ta pa reorganisá i pone kosnan kana na òrdu. Mester dokumentá tur kos awor despues di 10. 10 .10.. Ta momentu pa traha intensivo pa trese bèk e miembronan ku a bandoná AFBW. Hopi miembro a bai for di e sindikato, pues trabou tin pa logra trese nan den e organisashon.

Djarason awor 8 di yanüari ta bai tin un reunion importante na e sede sindikal di ABVO na kaminda Yato Bako. E ta pa miembro i no miembro di AFBW. Ta bai papia tokante logronan di pasado i kon ta bai kontinuá. Awor pa dilanti ta bai tin mas aktividat organisá pa AFBW. E sindikato ta di nos tur, ”e presidente nobo di AFBW a menshoná. Nòmber di e miembronan di direktiva nobo ta: Bradley Wanga komo tesorero, Mirella Girigoria Walters- sekretaria, Gregory “Luty” Martines, Mario Rudolf Francees ta miembro di direktiva i Cherel Kwidama komo e presidente nobo.

Share This
error: Content is protected !!