KRALENDIJK – Awe, djadumingu 5 di janüari algu promé ku 9’or di anochi sentral di polis a risibi notifikashon ku lo mester tin un vehíkulo na kandela den bario Santa Rosa. Mesora a dirigi outoridatnan polisial i kuerpo di bombero na e sitio, kaminda dilanti di un kas a bin topa ku un vehíkulo ku su parti dilanti na kandela.
E unidat di brantwer ku a yega na e sitio mesora a paga e kandela.
Motibu di e kandela no ta konosi.
Daño na e vehíkulo ta grandi. Ningun persona a resultá heridá.
Polis i kuerpo di bombero ta investigando kousa di e kandela.

FUENTE: LIVE FM.

NOTISIA KU BO POR KONFIA.

Share This
error: Content is protected !!