KRALENDIJK – Ayera djasabra 11 di janüari alrededor di 11:30 di anochi, notifikashon a drenta na warda di polis ku lo mester tin un aksidente a kaba di tuma lugá na Kaya Monseigneur Nieuwindt na Tera Kòrá. Outoridatnan polisial ku a yega na e sitio a bin enkontrá un outo Toyota Vitz den kurá di un kas pegá bou di un betònmolen. Shofùr di e vehíkulo ahinda tabata den dje i tabata keha di dolónan rònt su kurpa. Pesei a manda pidi asistensia di pèrsonal di ambulans pa atendé ku e dama úniko okupante di e vehíkulo. Despues di un investigashon chikitu na e sitio, a bin komprondé ku pa motibunan te ahinda deskonosí, shofùr di e vehíkulo a pèrdè kòntròl riba su bolante den un bògt, kore den skual, dal den un pilá di betòn na entrada di un kurá di kas, pasa bai stret paden i finalmente keda pegá den un betònmolen ku tabatin stashoná den kurá di e kas.
Polis i CRS ta investigando e aksidente aki mas aleu.

FUENTE: LIVE FM.

NOTISIA KU BO POR KONFIA.

Share This
error: Content is protected !!