KRALENDIJK – Djasabra último poko promé ku 9’or di anochi Radio Live 99.9 FM a haña e informashon pa tuma nota di un situashon, na momentu ku outoridatnan polisial tabata den sentro di suidat di Kralendijk. Polis a atendé ku diferente vehíkulo ku a blòkia e sitio pa lora den e ‘parkeerplaats’ dilanti ofisina di Gobièrnu. Ya pa algun tempu ta notabel entre otro riba “Facebook” tokante e situashon dilanti ofisina prinsipal di gobièrnu i dilanti FXDC Pòst. Outomobilistanan no ta respetá e sitio i ta stashoná outo i blokia e kaya. Polis tabata presente i a yama kran pa hisa e vehíkulonan ku tabata blòkia e kaya i bai ku nan warda di polis. No tin duda ku e tipo di akshonnan aki lo sigui un ora pa otro pa atendé ku outomobilistanan ku no ta respetá e sitio. E mes anochi poko mas trempan polis tabatin kontròlnan di tráfiko na diferente sitio.

Potrèt ta duna un bista momentu ku polis tabata atendé ku e vehíkulonan na e sitio.

Share This
error: Content is protected !!