Kralendijk – Minister Raymond Knops di Asuntunan Interno i Relashon den Reino, a asistí awe na entrega di e promé bibienda sosial na Nieuw-Amsterdam. Ku esaki a hasi un komienso pa yega na un solushon pa e eskases di bibienda sosial na Boneiru. Minister Knops: “E promé bibienda aki ta e resultado visibel di un bon koperashon riba e isla, kaminda a pone e base pa mas desaroyo sosioekonómiko.”

Na Boneiru tin un eskases grandi di bibienda sosial. P’esei den e akuerdo intergubernamental i e kombenio di bibienda (Convenant Volkshuisvesting) a hasi palabrashon tokante di konstrukshon di en total 500 bibienda sosial nobo. E bibienda ku a entregá awe ta forma parti di e promé tranche di 76 bibienda sosial ku ta konstruí den kolaborashon ku Entidat Públiko Boneiru (OLB), Fundashon Cas Boneriano (FCB) i Reino.

Gabinete a pone 2,5 mion euro disponibel pa e infrastruktura nesesario rondó di e bibiendanan. Ta komplementá e suma aki ku fondonan di infrastruktura di Entidat Públiko Boneiru. Minister Knops: “Mi ta spera pronto entrega di e otro 424 kasnan den e añanan binidero. E bibiendanan aki ta un gran paso pa dilanti pa e habitantenan ku un pòtmòni chikitu.”

Ben Oleana direktor di Fundashon Cas Boneriano (FCB) tambe a dirigí palabra i a menshoná entre otro ku e tin un tim serio ku ta atendé ku proyekto di miónes. “E trabounan ta kana bon i no ta nifiká ku nos mester fiesta. Esun ku ta ripara ku tin ku fiesta ku sèn di pueblo, trese esaki dilanti. Tin hopi kos ku FCB mester tene kuenta kuné, pa tur kos kana segun palabrashon. Traha kas ta fásil i e hende ku ta bai biba den e kas ta importante. Nos tin ku traha bon kas i mayornan tin ku pèrkurá pa nan yunan haña un bon edukashon. Boneiru a bai dilanti kompará ku pasado i mi ta hopi orguyoso,” Oleana a menshoná.

Despues a papia gezaghèber Edison Rijna i el a menshoná loke ta nan tarea relashoná ku e kasnan pa komunidat. “Boneiru ta den desaroyo enorme sigur mihó ku e otro islanan den e área di Karibe. Nos tin ku sigui traha pa mehorashon. Mas kas ta bai keda konstruí despues ku finalisá esnan na e sitio aki, for di awor éksito,” gezaghèber Rijna a menshoná.

Minister Knops: “Mi ke reakshoná riba loke Ben a menshoná, tin kos ku mi no ta di akuerdo ku e ta bisa. Ben a mete ku polítika. Di 2 mi no ta di akuerdo ku no ta pone fiesta. Kada kas ku ta kla, ta importante pa selebrá. Mi no ta referí na mal usá sèn di pueblo. Ben i ami a papia den pasado i el a mustrami bon kla ku mester di kas na Boneiru. Nos a diskutí, sinembargo no ta fásil kambia su pensamentu. Tur kos a pasa i awe por mira e bon resultado. Mi no ta reakshoná riba loke gezaghèber a menshoná, ku Boneiru ta mihó ku e otro islanan aki banda. Prensa ta presente i ta lag’é te aki,” Minister Knops a menshoná.

Minister Knops e siman aki a bishitá e islanan ABC. Ademas di e entrega di e promé bibienda sosial, e tabatin kombersashonnan ku kolegio ehekutivo i konseho insular djamars mainta. Djamars anochi mes e ta sigui pa Kòrsou pa e último parti di su biahe.


EERSTE SOCIALE HUURWONING BESTUURSAKKOORD OPGELEVERD

Kralendijk – Minister Raymond Knops, van Binnenlandse Zaken en Koninkrijksrelaties, heeft vandaag bij Nieuw-Amsterdam de oplevering van een eerste sociale huurwoning bijgewoond. Daarmee is een begin gemaakt aan de oplossing van het tekort aan sociale huurwoningen op Bonaire. Minister Knops: “Deze eerste woning is het zichtbare resultaat van goede samenwerking op het eiland, waarmee de basis is gelegd voor de verdere sociaal-economische ontwikkeling.”

Op Bonaire is een groot tekort aan sociale huurwoningen. In het Bestuursakkoord en het Convenant Volkshuisvesting zijn daarom afspraken gemaakt, over de bouw van in totaal 500 nieuwe huurwoningen. De woning die vandaag is opgeleverd, maakt deel uit van een eerste tranche van 76 woningen, die in samenwerking met het Openbaar Lichaam Bonaire (OLB), Fundashon Cas Bonairiano (FCB) en het Rijk worden gebouwd.

Het kabinet heeft 2,5 miljoen euro beschikbaar gesteld voor de benodigde infrastructuur rond de huurwoningen, dit bedrag wordt aangevuld met infrastructurele gelden van het OLB. Minister Knops: “Ik kijk uit naar de spoedige oplevering van de overige 424 huizen in de komende jaren. Deze woningen zijn namelijk een enorme stap vooruit, voor de inwoners met een kleine portemonnee.”

Minister Knops bezoekt deze week de benedenwindse eilanden. Naast de oplevering van deze eerste sociale huurwoning, had hij vanmorgen gesprekken met het Bestuurscollege en de Eilandraad. Vanavond vliegt hij door naar Curaçao, voor het laatste gedeelte van zijn reis.

Share This
error: Content is protected !!