Awe djarason alrededor di algu pasá di 9’or di mainta, un aksidente di tráfiko grave a tuma lugá riba kaya Gobernador N. Debrot enfrente di ofisina di Van Eps en Kunneman. Un SUV bayendo direkshon di Hato lo mester a dal den un outo di famia i e impakto tabata fuerte. E dama ku tabata manehá e outo di famia a keda pegá, gravemente heridá i no tabata reakshoná na yegada di ambulans. Su situashon ta di atenshon. Polis, kuerpo di bombero i 2 ambulans a presentá na e sitio. Despues di a logra saka e dama for di e outo, a transporte ku urgensia pa hòspital pa tratamentu médiko. Personal di ambulans a atendé tambe ku e otro shofùr ku a keda ku sustu despues di e aksidente. Polis di tráfiko i CRS ta investigando kousa eksakto di e aksidente. Daño material na e SUV i e outo di famia ta konsiderabel.

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!