KRALENDIJK – Awe djarason 15 di janüari 2020 alrededor di 9:20 di mainta, sentral di polis a risibí notifikashon di un aksidente di tráfiko grave ku a tuma lugá riba kaya Gobernador N. Debrot na altura di ofisina Van Eps en Kunneman. Un SUV bayendo direkshon di Hato pa un òf otro motibu ku ta bou di investigashon ketubai na e momentunan aki, a dal den un outo di famia. E impakto tabata fuerte na e banda di shofùr. E dama ku tabata manehá e outo di famia a keda gravemente heridá i no tabata reakshoná na yegada di ambulans. A reánime, pone stabil i transporté ku urgensia pa hòspital pa tratamentu médiko. A traha duru kuné tantu na e sitio i na hòspital. Den oranan di awe mèrdia, lamentablemente e notisia tristu a drenta ku e dama latino involví na bida yamá Teresa Carillo Calderon nasé na Colombia 26 april 1971, di 48 aña di edat a bin fayesé.

E dama aki ta bira e promé morto den tráfiko na Boneiru pa 2020.

Palabranan di kondolensia na famia di e defuntu.

Polis di tráfiko i CRS ta investigando kousa eksakto di e aksidente.


EERSTE VERKEERSDODE IN 2020

Kralendijk – Woensdag 15 januari 2020 omstreeks 9.20uur vond er een aanrijding plaats tussen twee auto’s op de Boulevard Gobernador Nicolaas Debrot.

De bestuurster van één van de voertuigen werd met de ambulance naar het ziekenhuis gebracht voor medische behandeling. Woensdagmiddag werd bevestigd dat de bestuurster T.C.C. van 48 jaar is overleden.

Wij wensen familie en vrienden veel sterkte komende tijd.

Share This
error: Content is protected !!