KRALENDIJK — E konosido aktor Harrison Ford a hasi su último bishita awe mainta na Between 2 Buns. Harrison di 77 aña kende a nase na Chicago, tin algun dia di bishita na Boneiru. Tur mainta e i su hendenan a desayuná na Between 2 Buns serka Ana Makaai i empleadonan. Harrison tin 5 yu i for di 1966 el a kuminsá e bida komo aktor. Entre otro el a aktua na Hollywood den “Star Wars” i “Raiders of the Lost Ark”. Otro pelíkula ku el a bira hopi konosí ta “The Fugitive” (1993), “Air Force One” (1997). Asina por menshoná un kantidat di pelíkula hopi konosí di Harrison. Trahadónan di Between 2 Buns a pèrkurá meskos ku ta e kaso ku tur kliente, pa Harrison i esnan huntu kuné haña un tremendo trato. Na final di nan desayuno tabata momentu pa saka algun potrèt pa despues e kontinuá. Tur hende tabata impreshoná di tabatin e oportunidat pa topa, sirbi i saka potrèt ku un persona asina famá. No ta fásil top’é i aserk’é. Algun potrèt ku Ana doño di Between 2 Buns a manda pa Radio Live 99.9 FM.  

Share This
error: Content is protected !!