KRALENDIJK –-  Djasabra mèrdia alrededor di 12’or tabatin diferente suseso práktikamente simultaniamente. Ta trata di un aksidente dilanti di Tung Fong Store N.V. kaya Korona, i un insidente “Hit and Run” na altura di e rotònde pega ku Botika Sabana. E aksidente na kaya Korona tabata entre dos vehíkulo, kaminda 1 a dal tras di e otro. Loke a sosodé na altura di e rotònde di Botika Sabana, e reportero di radio Live 99.9 FM kende a presentá na e sitio no a risibí sufisiente informashon kiko a sosodé. Ambulans i algun persona tabata na e sitio papiando ku polis. Informashon no ofisial ku Radio Live ta disponé di dje, un vehíkulo a alkansá un hóben riba baiskel i despues e vehíkulo a kore bai for di e sitio. E situashon ta loke nan ta yama “Hit and Run”. E kaso ta bou di investigashon. E ambulans ku tabata stashoná den e otro kaya di e rotònde, tabata relashoná ku loke a sosodé kaminda un outo a dal un hóben riba baiskel.

Share This
error: Content is protected !!