KRALENDIJK –Djabièrnè tras di lomba ABVO a selebrá nan aktividat anual na komienso di aña nobo. Diputado Nina den Heyer tabata presente debí ku diputado Elvis Tjin Asjoe kende tabata den un reunion i no por ta presente. “Tin bon relashon entre ABVO i diputadonan loke ta hopi importante. No tur momentu ta hasi uso di sindikato i esaki ta importante. Momentu ku gobièrnu lubidá algu, boso tei pa hala nos atenshon.” Diputado a haña un fuerte aplouso momentu el a menshoná ku ta importante pa mas hende drenta sindikato. “Ta importante pa stimulá otronan pa drenta sindikato,” diputado den Heyer a menshoná. Despues a dirigí palabra presidente di ABVO sekshon Boneiru Robert Sances. El a menshoná entre otro ku tin kasi 500 miembro. “Mi ke mira un ABVO bibu, loke mi a menshoná na momentu mi a drenta ABVO. Mi ta skucha e miembronan. Tin ku ta benefisiá sin ku nan ta paga. Miembro mester ta benefisiá riba esnan ku no ta miembro. No ta tur momentu mester broma riba loke nos a logra.“ Robert a elaborá riba diferente punto e anochi. Seguidamente a papia Adrie Williams, presidente di ABVO.     

Adrie willems “Desaroyo na Boneiru ta riba spit haltu. Tin hopi di nos ku no ta partisipá na e desaroyo. Lanta riba i no sinta wak otronan desaroyá i nos ta keda tras. Ta kontinuá ku e desaroyo i mester di hopi hende.

Ta bai tin importashon di mas hende na Boneiru pa kontribuí den e desaroyo riba e isla. Hopi estranhero lo bin Boneiru pa nan traha i nan no tin anochi. Nan ta seksualmente aktivo. Nan ta traha den dia i anochi traha yu. Nos tin ku traha pa nos tin mas ku un kas pa hür esnan kende ta bin for di eksterior. ABVO a traha un edifisio nobo i ta hür e ku un skol. ABVO ta kere den Boneiru. Mi ta gradisí boso ku ta skohe pa bira miembro di nos i ku denter di poko nos ta pasa 500 miembro sigur,” entre otro loke e presidente di ABVO Adrie a menshoná.

Share This
error: Content is protected !!