KRALENDIJK – Awe merdia un palu di lus a kai riba un pikòp ku tabata transportá un boto den kaya Eindhoven na Hato. Un reportero di radio Live 99.9FM a bai na e sitio i a papia ku e shofùr di e pikòp i el a menshoná ku e lus riba e boto a hak den e waya di koriente ku tabata kologá poko abou, komo konsekuensia esaki a ranka e palu di lus bent’é riba e boto. Debí ku e wayanan di “Hoogspanning” a dal den e boto, esaki a kima sierto parti di e boto. Tabatin un persona den su kurá di kas i momentu ku e palu di lus a kai, un di e wayanan a dal’é na altura di su garganta poniendo ku el a kai i bai for di dje pa un momentu. Ta notabel ku e palu di lus tabata poko putri loke ta e motibu ku momentu ku e lus di e boto a hak den e waya, e palu di lus a kibra rápido i kai.

Trahadónan di WEB a presentá na e sitio i a konfirmá ku ta dura 2 pa 3 ora pa drecha e situashon i pone koriente den e área.  

Share This
error: Content is protected !!