KRALENDIJK – Kolegio San Bernardo, tin un regla ku no ta pèrmití mucha hòmber ku kabei largu na e skol. E ta zona straño, sinembargo algun pèrsona a komentá di e regla ku e skol tin. Segun nan, e no ta realístiko, sinembargo mester respetá òf hiba e yu otro skol katóliko. Radio Live 99.9 FM a tuma kontakto ku direktiva di skol katóliko pa tende si esaki ta un regla pa tur skol i kiko ta motibu di e regla. A konfirmá ku ta bèrdat Kolegio San Bernardo tin e regla ku mucha hòmber ku kabei largu no por bai e skol. Kada skol tin regla i nan por menshoná e motibu di kada regla. Live99 a tuma kontakto ku direktora di Kolegio San Bernardo i el a menshoná ku e regla tei for di aña 2000, mucha hòmber no por bai e skol si nan tin kabei largu.

“Tin indikashon ku a pone e regla pa e parti di higiena, debí ku muchanan tabata bai skol ku kabei sin peña, spesialmente mucha hòmber, e direktora aktual a menshoná. El a sigui bisa ku ta bai atendé algun regla ku tin na e skol, entre otro tokante mucha hòmber ku kabei largu na e skol. Aktualmente tin algun mucha hòmber ku kabei largu na e skol i nan mester tene nan mes na palabrashon i tur kos ta bai bon,” e direktora nobo a splika Live99.    

Share This
error: Content is protected !!