KRALENDIJK – 16-1-2020 ta otro fecha bunita pa Jeandre Cicilia, kende a logra algu grandi pa loke e ta hasi ku hopi pashon. Cicilia tin algun aña hopi aktivo bulando i praktikando bulamentu di avion. Djaweps 16 di yanüari el a pasa ku éksito “instrument rate”, esta e di 2 strepi. Awor e tin e lisensia pa por bula avion durante dia i anochi. No solamente anochi, sinembargo bulamentu den nubia ta un práktika special pa momentu ku un pilot ta bulando i no tin bista pafó di e avion, mester por hasi uso di “instrumènt” den e avion. Pues sigur ta un paso grandi awor loke el a logra komo piloto. E kaminda ta largu sinembargo Cicilia ta kontinuá awor ku e práktika pa  hasi buelo komersial. E práktika tabata na Paris Air Flight School, Airport West, Vero Beach, Florida.  Aktualmente e ta den eksterior i Radio Live 99.9 FM ta felisit’é i éksito pa kontinuashon. Riba potrèt momentu el a risibí e di 2 strepi.

Share This
error: Content is protected !!