KRALENDIJK—Djabièrnè último Hues Mauritsz de Kort a trata un kaso di un pareha hóben di algu lamentabel ku a sosodé. Ta trata di 6 akusashon ku tabatin kontra hòmber S.B, loke hues a konsiderá serio. E akusashon ku mas a hala atenshon den e kaso ta relashon seksual kontra e dama su deseo, kombiná ku maltrato. A bini diferente petishon den e kaso, pa no bai den detaye, loke a sosodé durante di trata mentu di e kaso algun tempu pasa.  Hues a repasá tur loke nan ta akusá e akusado i despues fiskal Blanco a trese su rekisitorio. El a pone hopi énfasis riba loke a sosodé, spesialmente maltrato i a parti di sèks kontra deseo. El a pidi un kastigu di 5 aña di prison pa S.B..  Mester sigui guia di reclasering. Agodado E. Winkel a defendé e hòmber S.B, kaminda entre otro el a menshoná ku tin diferente punto ku no ta korekto den e kaso i e kastigu ku fiskal ta pidi ta hopi haltu. Ta bon pa tene kuenta ku e hóben tabatin un bida, komo hóben no muchu agradabel. Bèrdat el a pone man riba e dama sinembargo hopi otro kos no por proba,”abogado Winkel a menshoná. Último palabra di akusado, el a menshoná ku e ta sinti hopi malu di loke a sosodé.  Hues a sera e kaso i a dikta sentensia den e kaso.

 Hues de Kort a menshoná tur e puntonan di kua e ta akusá e hóben. Ta trata di 5 kos kastigabel. “Bo ta sabi i ta komprondé e diferensia entre bon i malu.  Bo tabata tur kos pa e dama i el a konfiabo hopi. Loke a sosodé no ta aseptabel. Kada persona mester komprondé ku no por hasi sèks kontra boluntat di e otro. Mi ta desviá poko di loke fiskal a pidi komo kastigu. 54 luna di prison, pues awor bo mester keda 12 luna mas den prison i 3 aña di prueba. Mester sigui regla di reclasering,hues a sera e kaso bisando.  Hefe di Redakshon di Radio Live 99.9 FM a bai di akuerdo pa tapa kara di e akusado, kende a show pa saka su potrèt despues di a tende su sentensia den sala di korte.

Share This
error: Content is protected !!