KRALENDIJK – Ya ta un tradishon tur prinsipio di Aña Nobo “Fundashon Alzheimer Bonaire” ta organisá un “Masha Danki” Party pa gradisí su Boluntarionan. E selebrashon a tuma lugá djasabra último 18 di yanüari na restorant di “Spice Beach Club”. Evert Piar presidente di e organisashon a menshoná durante e aktividat ku e fundashon ta hasi esaki komo un gesto pa demonstrá apresio pa e boluntarionan kende henter aña a koperá ku “Fundashon Alzheimer Bonaire” durante nos aktividatnan. Manera tur aña ta e kaso, e aña aki a skohe 2 boluntario ku a sobresalí i nos ta brinda nan un regalo i un sertifikado komo muestra di apresio, Piar a menshoná durante e aktividat.”. Indra Sedney i Esther van Baar tabata esnan kende ”Fundashon Alzheimer Bonaire” a rekonosé komo boluntario ku a sobresalí. Kombinashon di pòrtrèt ta ilustrá e boluntarionan ku a sobresalí, direktiva i otro boluntarionan durante e aktividat.

????????????????????????????????????
Share This
error: Content is protected !!