KRALENDIJK — Un suidadano prekupá a drenta den kontakto ku Radio Live 99.9 FM pa ilustrá algu ku ta rekerí atenshon. E persona a konta kon un turista a herida pia 2 dia pasa debí ku el a kai, despues di a kana i sak inesperadamente den un buraku serka di Malecon. Ta trata di un buraku kaminda ántes tabatin un pion di betòn i pa un òf otro motibu a somentá. E ta na e sitio banda di Zeezicht Bar Reastaurant. Peligroso spesialmente pa hende ku ta kana den e área,”e suidadano a remarka. Un otro situashon ku mester atendé promé algu sosodé, ta den kaya Bonaire. Tin un buraku hundu mei mei di e kaya i un persona kende no ta konosí, a pone un pida tabla di ‘Beton Plex’ nèt riba e buraku, loke no ta apropiá. E persona a pone ku bon intenshon, sinembargo e ta hopi peligroso. Ta spera esnan konserní tuma nota di e situashonnan ariba menshoná i atendé nan korekto. Potrèt ta ilustrá e situashon di e dos sitio ariba menshoná.  

Share This
error: Content is protected !!