KRALENDIJK—Ta notabel na sierto okashon kaminda hende ta menshoná e palabra bendishoná òf batisá. Un parokiano, den boka di pueblo un baidó di misa, a aserka un reportero di Radio Live 99.9 FM i a puntra si kualke persona den komunidat por batisá òf bendishoná algu.

Ta bon pa splika despues di a buska informashon kiko i ken por batisá i bendishoná sea hende òf algu. Tin organisashon ta bisa nan a batisá òf bendishoná unifòrm òf outo loke no ta korekto. Solamente un obispu, pastor  òf un diakono por batisá òf bendishoná un persona. Algu ku ta material, entre otro outo, motosaikel, baiskel, kas, paña i prenda, solamente por bendishoná nan. No por batisá un outo. Tin bes ta usa tera, awa, hariña, foyo di blachi, serbes, ròm i mas, pa bendishoná algu. Tene bon kuenta kiko ta e meta tras di loke bo ta hasiendo i kiko bo ta usa.

Share This
error: Content is protected !!