KRALENDIJK – Sentro pa Hubentut i Famia ta partisipá ku ainda tin espasio pa mas inskripshon pa e kurso di embaraso ku ta bai kuminsá dentro di poko. Si bo tin 16 siman, ke men, kuater luna òf mas na estado, bo por partisipá. E kurso ta enserá un programa di guia i informashon pa futuro mama. E tin un durashon di 6 siman i enkuentronan lo ta dos bes pa siman. Den e kurso bo ta haña informashon tokante diferente tópiko di embaraso, manera: desaroyo di embaraso, parto, nutrishon di mama i yu, kuido di djente, kuido di yu i mas. Fuera di e lèsnan di informashon tambe tin lès di guia di ehersisio. Tur lèsnan ta bou di guia di un profeshonal i huntu ku e programa nos ta ofresé bo material di informashon. Pa mas informashon por tuma kontakto ku Sharine Dorand na telefon 715-7200 o 786-3984. Inskribí bo mes i tuma mas informashon na Sentro pa Hubentut i Famia.

Share This
error: Content is protected !!