KRALENDIJK – Djasabra 18 di janüari 2020, klup di tiru ‘Tirabon’ a organisá un kompetensia práktiko di tiru ”Practical Shooting”.

Ganadó apsoluto a resultá Gandy Mauricio, presidente di Tirabon ku un skor di tiru den 57 sekònde i 56 punto, ‘hit factor’ di 0.98 tirando den kategoria di 9mm riba 3 diferente tipo di arko (target).

Segundo lugá a sali Niyandrew Pourier komo invitado aspirante ku un skor di tiru den 48.37 sekònde i 28 punto, ‘hit factor’ 0.57 tirando den kategoria di 9mm riba 3 diferente tipo di arko.

Terser lugá a sali Jaryd da Silva Piloto komo invitado aspirante ku un skor di tiru den 49.46 sekònde i 25 punto, ‘hit factor’ 0.50 tirando den kategoria di 9mm riba 3 diferente tipo di arko.

Tiru práktiko ta un disiplina den e deporte di tiru, kaminda ku e tiradó ta haña un kantidat limitá di tempu pa purba skor mas tantu posibel riba diferente arko.

‘Schietvereniging’ Tirabon Bonaire ta presidí pa Gandy Mauricio, Sekretario Jadyr da Silva Piloto i Penningmeester Eric Soleana.

Share This
error: Content is protected !!