KRALENDIJK – Awe mainta trempan Live99FM a presentá e notisia indikando ku a retirá e direktor aktual di BOPEC sr. Echi Manuel. E informashon a kuminsá sirkulá for di ayera tardi. Venezuela a duna instrukshon, pa kita Manuel for di trabou komo direktor. Trahadónan a risibi e notisia aki via radio i awe mainta a pone trabou abou i ta deseá di haña un bista klá loke a sosodé.

Gezaghèber Edison Rijna a papia i a menshoná ku ayera tardi el a keda notifiká di e informashon tokante e direktor di BOPEC. Awe e kos a sigui desaroyá i a papia ku entre otro “Stuurgroep” i “Contour Global Bonaire N.V”. i “BOPEC”, pa asina nos ta garantisá tokante e “Heavy Fuel” ku nos ta hasi uso di dje ta for di BOPEC e ta bin. E situashon ta stabil i nos ta sigui atendé e problema ku hopi atenshon. Pa loke ta trata e trahadónan nos tin un tim ku ta atendé ku nan i na momentu ku algu sosodé, si e lugá sera, pa por yuda e trahadónan. Nos ta hasiendo tur esfuerso pa no mester hasi uso di otro forma pa yega na “Heavy Fuel”.

Despues ku mainta tabatin un reunion relashoná ku retiru di Echi, a papia tokante e kousa di loke a sosodé. Un tal Fabiola i sindikato BPWU a menshoná despues di e reunion, ku debí ku Manuel ta trahadó di Isla na Kòrsou i no di BOPEC, e periodo di palabrashon di trabou a tèrminá. Pa e motibu aki a kita Manuel for di e posishon i a nombra Reginaldo Pinto.

Ku otro palabra indirektamente ta kita Echi for di trabou, paso si e bai bèk Kòrsou, aya no tin trabou pe.  

Sr Manuel ya a menshoná ku e no ta keda bou di e direktiva aktual. Si akaso e disidí pa kontinuá na BOPEC, e ta bai okupá otro posishon pasobra e no ta kla pa sigui soportá bou di mando di e direktiva aktual. E siguiente paso ta pa negoshá ku Venezuela pa wak kon ta kontinuá.

Despues di un di dos reunion ku a tèrminá algun ratu pasá, e desishon a kai pa kontinuá ku e wèlga djaluna.

Share This
error: Content is protected !!