KRALENDIJK – Djadumingu 26 di yanüari tabata dia internashonal di duana. Wereld Douane Organisatie (WDO) a proklamá 26 di yanüari komo dia internashonal di duana i ta selebrá esaki rònt mundu. E aña aki WDO a skohe pa e tema: ‘Customs fosters Sustainibility for People Prosperity and Planet’. Den e siman di 22 te ku 26 di yanüari Douane Caribisch Nederland a organisá siman internashonal di duana na Boneiru.

Mas o ménos 136 personal di duana di Hulanda Karibense, Kòrsou, Aruba i Sürnam a partisipá na un programa variá pa sera konosí ku otro, eskurshon i kompetensia di deporte. Ayera tabata dia internashonal di duana i tabatin un seremonia ofisial di hisamentu di bandera di e islanan dilanti di ofisina di belastingdienst den sentro di suidat, unda despues den un desfile kompaña pa drùmbènt, a marcha bai misa San Bernardo.

Mas anochi a klousurá e dia festivo ku un sena i fiesta.

Kombinashon di potrèt ta ilustrá e momentu, den sentro di suidat.    

Share This
error: Content is protected !!