KRALENDIJK – Djasabra último e kompania Lovers a habri su portanan bèk pa bende eiskrim. Lovers Ice Cream Parlor Bonaire ta den e edifisio kaminda ántes tabata Casa Ramon, patras di Onderlingehulp na altura di e rotònde na misa di Playa. Jarrod Dijkhuizen, e motor tras di e idea pa habri Lovers bèk, a papia na okashon di apertura i el a menshoná ku nan stima Boneiru. “Lovers ta bèk na Boneiru. Nos no a bai laga Boneiru, sinembargo awor ta den un bunita edifisio. Mi a bin biba Boneiru i a kuminsá pensa kon pa Lovers a bini bèk. Mi a papia ku e hendenan ku ta hür e edifisio i a yega na un palabrashon ku nan. Trabou a kuminsá i awe 3 luna despues eiskrim di Lovers ta na Boneiru. Dijkhuizen: “Bin saboriá tur dia un di e 16 sabornan di eiskrim di Lovers ku nos tin pa pueblo di Boneiru,” el a finalisá bisando. Despues a kontinuá ku partimentu di eiskrim pa tur invitado i Ish Croes a haña e promé eiskrim di Lovers, e regreso na Boneiru. Invitadonan a saboriá nan eiskrim spesial prepará pa e okashon. 

Kombinashon di potrèt ta ilustrá e aktividat.

Share This
error: Content is protected !!