KRALENDIJK – Djadumingu 26 di yanüari komishon di Reina, prens i pancho i Fundashon Klave tabatin un paseo den bus na parti suit di nos isla ku e partispantenan pa Reina, Prens i Pancho 2020, kende nan ta bai kompetí dia 1 di febrüari binidero. Tabatin un momentu di “Photoshoot” durante e paseo i tur hende tabatin un momentu plasentero. Despues tabatin un bembe den kurá di e sede di karnaval na sentro di bario Amboina.

Partisipantenan ta warda pueblo di Bonaire pa bin apoyá nan djasabra awor 1 di febrüari 7’or di anochi na Jong Bonaire. Entrada ta 10 dòler pa hende grandi  i mucha ta paga 5 dòler. Nos ta topa djasabra.

Share This
error: Content is protected !!