KRALENDIJK – Djasabra 25 di yanüari, entre 00.15 i 2.45 di mardugá, a tene kòntròl di alkohòl na diferente sitio. E kòntròlnan a tuma lugá na Bulevar Gobernador Nicolaas Debrot, na altura di yagthaven, na e sitio di stashoná situá na Kaya L.D. Gerharts, enfrente di FORMA i den Centrumgebied. A kontrolá un total di 26 vehíkulo, 7 shofùr a supla hopi mas haltu ku e kantidat permiti di 220 ugl, i a duna nan un prosès verbal pa maneha bou di influensia. Dies shofùr di skuter a haña un aviso komo ku nan no tabatin hèlm bisti. A detené un hòmber di inisial R.R.N.M. di 31 aña den Centrumgebied en konekshon ku buracheria públiko.

Share This
error: Content is protected !!