KRALENDIJK – Situashon di peliger di loke tin den sentro di suidat. Ta trata di e lugá ku resientemente a habri su portanan ku ta karga e nòmber di ‘Wataria’ na kaya Isla Riba. E situashon ta di atenshon un suidadano a menshoná. “Inkreibel i kasi mi no por kere loke mi a mira. Ta trahando riba un edifisio di tres piso i no tin nada ku ta indiká i separá e ser humano na e sitio. Turista i esnan lokal ta pasa bou di un pida tabla ku tin na e promé piso i nada mas. Bou di e tablanan klientenan mester pasa tambe pa bishitá e negoshi. Mi no por kere loke mi a mira. E pregunta ta, niun otro persona no a tuma nota di e situashon? Na Banko di Caribe ta notabel tin algun trabou chikitu ta tumando lugá i nan a pone un teip, ku ta indiká pa e hende no pasa serka di e edifisio, apesar ku no ta algu peligroso. Esei ta un bon ehèmpel ku mester tene kuenta ku regla,” e suidadano a konta. “Segun mi tin un regla i mi ta spera ku esnan konserní tuma poko tempu pasa den kaya promé algu doloroso sosodé. Si un di e personanan ariba deskuidá laga algu bai suela, sin ku e por yuda, e por kousa doló na un otro i e mes,” e suidadano a menshoná. Momentu ku un reportero di Radio Live a saka potrèt, tabata nèt momentu un turista tabata pasa bou di e tabla i un persona trahando ariba. 

Share This
error: Content is protected !!