KRALENDIJK – Suidadano Juan “Polito” Apolinar a yega na redakshon di Radio Live 99.9 FM relashoná ku un situashon ku segun e no ta funshoná manera mester ta. “Mi ta den un situashon kaminda mi mester operá algu na mi skouder. Na e momentunan aki no ta manda niun pashènt Aruba. Esei ta pone ku mester mandami sea Colombia òf Hulanda, loke ta poné den e karta tokante mi situashon. ZVK ta nenga pa mandami. Mi ta hopi desgustá,” “Polito” a konta. Tin mas hende ku e mesun situashon, pero nan no ta sali dilanti. Dòkter di seguro a bisa ku mi no por traha ku e leshon i mester atendé. Mi a bai ofisina di keho na Fundashon Mariadal, sinembargo e ta sera. Niun hende pa atende bo. Niun hende no ke papia i tur ta skonde pa tuma un desishon. Hòspital ta bunita, sinembargo e servisio ta laga hopi di deseá, ”Polito a menshoná.

Share This
error: Content is protected !!